saanwla rang

kitna ajeeb hai na.... k jis samaj me log saanwle rang k kanha ko poojte hain aur unhe tarah tarah ki upmayen dete hain jaise 'sanwle salone' , 'saanwariya' , 'shyam' aur bhi na Jane kya kya.....

wahin usi samaj me agar yhi rang kisi insan ka ho toh wo badsurat mana jata hai qki hamare samaj me sundarta ka prateek hi gora hona hota hai, aise me sanwle rang ki jagah aap samajh skte ho k kahan h? But sanwle ko sanwla bole toh samjh aata h but sanwle rang ko bhi log kaala khkr bulate hai toh aadha confidence toh wahin down ho jata h k kya sach me hamara rang aisa h ki jise kaala kh kr pukara jaye? Agar apko kahin achhi job leni hai aur aap chahte ho k apko ek achha, well settled life partner mil jaye, toh you should be fair in complexion ( in girls context) and 'should be' nhi 'must be' because it's the scale of beautifulness and it needs in every field.

Aur agar aapka rang thoda daba Hua hai toh samajh jao k apki life me problems aana shuru. Kahin na kahin apko b ye ehsas ho hi jayega k saari problems ki jad (root) apka sanwala rang hi hai same as I feel everytime.

Bahut kuch sunna pdta hai mujhe bhi mere sanwle rang ko lekar, fairness cream lagaya karo, beauty parlour jao, jyada dark colour k kapde mt phno wrna rang aur jyada kaala lagega, ye karo wo karo.....jb tk aap chhote hote ho Tb tk ye sb baatein aap pr itna prabhav nhi daalti but haa itna dheere dheere itna jarur samajh aa jata h k aap dusri ldkiyon se alag ho. Jaise jaise main thodi badi huyi toh mujhe b lgne laga k kahin na kahin koi pblm hai....baat us samay ki hai jb main 5th ya 6th standard me thi, meri kuch frnds thi, unse waise to khoob baatein hoti thi but dheere dheere un logon ne baatein krna bahut km kr diya toh mujhe ye feel Hua k ye log mujhse isliye baat nhi krte qki mera rang sanwla hai aur ghr aa kr bahut royi....mujhe nhi pata k Maine jo socha wo shi tha ya galat but is baat ka ehsas jarur ho gya ki sanwla hona achhi baat nhi h...toh bs apna rang nikharne K liye kuch na kuch krti rhti but itna kahan pata tha k insan ko jo rang upar wale ne diya hai, wo hamesha wahi rhta hai, kisi ne kaha ye lago lo, kisi ne kaha wo laga lo...bs isi tarah din gujarte gye. Ab main college me aa gyi. Itne saalon baad b samaj wahin ka wahin jiske liye aaj b sundar wo hai jo gora hai fir chahe aap kitne hi padhe likhe aur talented q na ho...apka sanwla rang apke sbhi talent pr paani pher deta hai. College time pr bahut km college jati thi aur km se km ghr se bahar nikalti thi k kahin aur jyada kaala rang na ho jaye but aap kb tk ghr me band hokr rh skte ho....lekin bachpan se le kr bade hone tk main apne apko samjha chuki thi k tumhara rang sanwla hai aur ye rang TB tk sath nhi chhodega, jb tk tum duniya ka sath nhi chhod dete fir chahe aap kuch b laga lo...So I accepted it aur apne sanwle rang k baare me sochna band kr diya.....but real challenges to ab shuru hone the....

To be continued.........